Борьба корэш - вид спортивного единоборства на кушаках (поясах),
в котором перед борцом стоит цель положить соперника на спину,
применением какого-либо из разрешенных приемов.
Борьба корэш имеет свои глубокие корни. Наряду с обычаями, обрядами,
традициями, она составляет национальную культуру татарского народа.
В республике была создана федерация татаро-башкирской национальной спортивной борьбы корэш.
Борьба корэш была признана видом спорта и включена в третий раздел Всероссийского реестра видов спорта как национальный вид спорта.
Федерация татаро-башкирской национальной спортивной борьбы «Корэш» переименована на Федерацию корэш РТ.
Чернов Михаил 1954 елда Питрәч районында туган. Көрәш белән малай чагыннан ук шөгыльләнеп үскән. Совет армиясе сафларында хезмәт итеп кайткач, Казан дәүләт педагогия институтының физик тәрбия факультетына укырга кергән. Татарча көрәш белән ул ныклап шушында укыган елларда шөгыльләнгән. Аннан соң атнасына бер-ике тапкыр “Казаньхимстрой” тресты спортзалында җәмәгәть тренеры Мөхәммәдиев Гайнетдин җитәкчелегендә көрәш секцияcынә барып, үзенең көрәш осталыгын арттырган.
80 нче елларның башында бу спорт залында Виссарион һәм Григорий Канашевлар, Риф Мадьяров, Гайса Шакиров, Әнвәр Гыйлаҗев, Марат Зәкиев кебек танылган көрәшчеләр белән шөгыльләнеп, көрәш осталыгын арттырган.
Ул бик күп тапкырлар үзләренең Питрәч, Саба һәм Балык Бистәсе авыл сабантуйларында батыр калган. Питрәч районы сабан туйларында ул алты тапкыр баш батыры булган. Герой-шагыйрь Муса Җәлил призына үткәрелә торган көрәш ярышларында дүрт мәртәбә җиңүче булган. Өч тапкыр Татарстан чемпионы һәм бер тапкыр Россия чемпионы булып танылган. Гомере буена ул балаларны, яшь үсмерләрне һәм авыл яшьләрен көрәш серләренә өйрәтүче тренер булып эшләде. Бүгенге көндә лаеклы ялда, Питрәчтә яши.
Ренас Кәлимуллин белән җәһәт әңгәмә уздырып алдык. 12 тапкыр дөнья чемпионы икән инде ул.
Фәрит Сәгыйтдин улы Шәйхетдинов 1954 елда Яшел Үзән районы Карахуҗа авылында туган. Ул мәктәптә укыган яшьләрдән ук спортның күп төрләре белән шөгыльләнеп үскән. Фәрит урта мәктәпне тәмамлагач, Казан дәүләт педагогия институтының физик тәрбия факультетына укырга кергән.
Институтта укыган елларда ул ныклап классик көрәш белән шөгыльләнә. Укыган елларында Татарстанның бик күп төрле турнирларында чыгыш ясаган, шул вакытта татарча көрәш белән дә даими шөгыльләнгән. Институтны тәмамлагач Фәрит Яшел Үзән районының Олы Яке авылы мәктәбенә физкультура укытучысы булып урнашкан. Шушында ул авыл яшьләрен һәм мәктәп укучыларын туплап, көрәш түгәрәген оештырган.
Аның укучылары арасында: Фәрит Бикмуллин, Илһам Сафиуллин, Ленар Абдрахманов, Илдар, Илгиз һәм Зөфәр Гайнуллиннар кебек яшьләр Татарстан чемпионнары булып танылдылар.
Фәрит Шәйхетдинов шул вакытта эшләгән елларда, Яшел Үзән районының командасын туплап, аларны Казанда үтә торган герой-шагыйрь Муса Җәлил турнирына алып барды. 1978 елның район командасы: 60 кг үлчәүдә Әгъзам Гобәйдуллин, 70 кг үлчәүдә Илгиз Гайнуллин, 80 кг үлчәүдә Фәрит үзе, 90 кг авырлыкта Госман Хөсәенов һәм авыр үлчәүдә Әнсәр Галавиев составында, ярышлар тарихында беренче тапкыр чемпион дәрәҗәсенә ирешеп җиңү алды.
Фәрит Шәйхетдинов үзе 1977 елда герой-шагыйрь Муса Җәлил призына хуҗа була, өч тапкыр Татарстан чемпионы һәм бер тапкыр Россия чемпионы дәрәҗәсенә ирешә. Ул елларда абсолют беренчелек өчен үткәрелә торган турнирда, үз үлчәү авырлыгында дүрт тапкыр җиңүгә ирешә.
Аннан соң ул Татарстанның Яшел Үзән, Биектау һәм Казанның Киров районы Сабан туйларының батыры.
Бүгенге көндә “Ак Барс” Көрәш сараен генераль директоры урынбасары булып эшли, көрәшчеләр әзерләүгә үзеннән бик зур өлеш кертә.