baner
КОРЭШ

Борьба корэш - вид спортивного единоборства на кушаках (поясах),

в котором перед борцом стоит цель положить соперника на спину,

применением какого-либо из разрешенных приемов.

Борьба корэш имеет свои глубокие корни. Наряду с обычаями, обрядами,

традициями, она составляет национальную культуру татарского народа.

5 декабря 1968 года

В республике была создана федерация татаро-башкирской национальной спортивной борьбы корэш.

26 июля 2010 года

Борьба корэш была признана видом спорта и включена в третий раздел Всероссийского реестра видов спорта как национальный вид спорта.

2014 год

Федерация татаро-башкирской национальной спортивной борьбы «Корэш» переименована на Федерацию корэш РТ.

Ренас Кәлимуллин: «Яшьләр үсеп бара, җиңел түгел»

Ренас Кәлимуллин белән җәһәт әңгәмә уздырып алдык. 12 тапкыр дөнья чемпионы икән инде ул.

  • Ренас, быел тагын Татарстан һәм Россия чемпионы булып танылдың. Ничәнче тапкыр әле, искә төшерче?
  • Татарстан чемпионатын да, Россия чемпионатын да алтышар тапкыр оттым. Иң истә калганы дип беренче тапкыр республика чемпионы булып калуымны саныйм. Ул вакытта финалда Алабугадан Азат Кавиев белән очраштык. Россиядә исә беренче тапкыр Наил Мөхәммәтьянов белән очраштык. Башкортстаннан өч көрәшче иде минем авырлыкта: Наил, Дим Хәйруллин, Илдар Муратов. Илдарны да чистага салдым. Шөкер, быелгысында да җиңү яуладым.
  • Татарстанда көндәшләр бармы соң?
  • Яшьләр үсеп бара, кемдер җиңелрәк категориядән безгә күчә. Көндәшләр бар инде ул. Марат Кәримов, Данил Хәйриевлар — шәп яшь көрәшчеләр. Үземә дә авыррак, авырлык артты, шуңа алдагы ярышларда 85кә күчтем.
  • Лаештагы ярышны карыйсың, гел мондагы егетләр белән бергә йөрисең. Димәк, Лаешка күчәсең?
  • Әлегә Теләче өчен көрәшәм. Дөрес, Казанга эшкә урнаштым. Тренировкаларга Усадка йөрим, Динар Кәримуллин алып барган түгәрәккә.
  • Титулларны санауны дәвам итик әле…
  • Көрәш буенча — 5 тапкыр, 6 тапкыр — билбау көрәше буенча дөнья чемпионы. Алышта бер тапкыр җиңүче булдым. 12 тапкыр дөнья чемпионы икәнмен…

Безнең батырлар: Фәрит Шәйхетдинов

Фәрит Сәгыйтдин улы Шәйхетдинов 1954 елда Яшел Үзән районы Карахуҗа авылында туган. Ул мәктәптә укыган яшьләрдән ук спортның күп төрләре белән шөгыльләнеп үскән. Фәрит урта мәктәпне тәмамлагач, Казан дәүләт педагогия институтының физик тәрбия факультетына укырга кергән.

Институтта укыган елларда ул ныклап классик көрәш белән шөгыльләнә. Укыган елларында Татарстанның бик күп төрле турнирларында чыгыш ясаган, шул вакытта татарча көрәш белән дә даими шөгыльләнгән. Институтны тәмамлагач Фәрит Яшел Үзән районының Олы Яке авылы мәктәбенә физкультура укытучысы булып урнашкан. Шушында ул авыл яшьләрен һәм мәктәп укучыларын туплап, көрәш түгәрәген оештырган.

Аның укучылары арасында: Фәрит Бикмуллин, Илһам Сафиуллин, Ленар Абдрахманов, Илдар, Илгиз һәм Зөфәр Гайнуллиннар кебек яшьләр Татарстан чемпионнары булып танылдылар.

Фәрит Шәйхетдинов шул вакытта эшләгән елларда, Яшел Үзән районының командасын туплап, аларны Казанда үтә торган герой-шагыйрь Муса Җәлил турнирына алып барды. 1978 елның район командасы: 60 кг үлчәүдә Әгъзам Гобәйдуллин, 70 кг үлчәүдә Илгиз Гайнуллин, 80 кг үлчәүдә Фәрит үзе, 90 кг авырлыкта Госман Хөсәенов һәм авыр үлчәүдә Әнсәр Галавиев составында, ярышлар тарихында беренче тапкыр чемпион дәрәҗәсенә ирешеп җиңү алды.

Фәрит Шәйхетдинов үзе 1977 елда герой-шагыйрь Муса Җәлил призына хуҗа була, өч тапкыр Татарстан чемпионы һәм бер тапкыр Россия чемпионы дәрәҗәсенә ирешә. Ул елларда абсолют беренчелек өчен үткәрелә торган турнирда, үз үлчәү авырлыгында дүрт тапкыр җиңүгә ирешә.

Аннан соң ул Татарстанның Яшел Үзән, Биектау һәм Казанның Киров районы Сабан туйларының батыры.

Бүгенге көндә “Ак Барс” Көрәш сараен генераль директоры урынбасары булып эшли, көрәшчеләр әзерләүгә үзеннән бик зур өлеш кертә.

Безнең батырлар: Илгиз Гайнуллин

Илгиз Юныс улы Гайнуллин 1959 елның 17 октябрендә Яшел Үзән районы Карагуҗа авылында туган. Ул татарча көрәш белән мәктәпнең кече классларыннан ук физкультура укытучысы, Татарстанның атказанган тренеры Фәрит Шәйхетдинов җитәкчелегендә шөгыльләнә башлаган. Урта мәктәпне тәмамлагач, Казан дәүләт педагогия институтының физик тәрбия факультетына укырга кергән. Илгиз институтта укыган елларында татарча көрәш белән генә түгел, ә классик көрәш белән дә шөгыльләнә.

Унтугыз яшендә ул иң дәрәҗәле ярышта – герой-шагыйрь Муса Җәлил турнирында беренче тапкыр җиңүгә ирешкән. Бу турнирда ул барлыгы дүрт тапкыр җиңүче була. Моннан ары ул ике тапкыр Татарстан Республикасы чемпионы, Казанның Киров районы сабантуенда дүрт тапкыр баш батыр булып таныла. Шулай ук Яшел Үзәндә биш тапкыр абсолют батыр, Казанның Совет һәм Вахитов районнарының берләштергән сабантуенда батыр була. Бик күп тапкыр Яшел Үзән, Питрәч, Балык Бистәсе, Лаеш һәм авыл сабан туйларында батыр булып таныла. Бүгенге көндә Илгиз Гайнуллин Яшел Үзән шәһәрендә “Үзәк” спорт комплексында балаларны һәм яшьләрне көрәш серләренә өйрәтә, тренер булып эшли.